आदर्श नागरी सहकारी पतसंस्था मर्या. अलिबाग या पतसंस्थेची स्थापना दि 01.10.1998 रोजी अलिबाग येथील सध्याच्या वेलकम सुपर मार्केट च्या बाजूच्या अगदी छोट्याश्या जागेत झाली. हळू हळू आदर्श च्या आर्थिक प्रगति ला सुरुवात झाली. थोड्याच कालावधीत आदर्श पतसंस्था वसंत व्हिला, मयूर बेकरी समोर, टिळक रोड येथील 4 गाळ्यांच्या स्वमालकीच्या जागेत स्थलांतरित झाली. त्यानंतर आदर्श ची घोडदौड मोठ्या प्रमाणावर सुरू झाली. नंतर नागाव, चेंढरे, चोंढी, पिंपळभाट, कुरुळ, बामणगाव, रेवदंडा, श्रीबाग, मुरुड, पोयनाड, रेवस, नागोठणे, रामराज, पेण, उरण अश्या आत्तापर्यंत 16 शाखांमध्ये शाखा विस्तार झाला आहे. तसेच संस्थेचे कामकाज दि 7 जानेवारी 2019 रोजी आदर्श भवन श्रीबाग येथील नवीन चार मजल्यांच्या भव्य अद्ययावत मुख्य कार्यालयामध्ये स्थलांतरित झाले. आदर्श भवन ह्या मुख्य कार्यालयामधून संस्थेचे सुरळीत, पारदर्शक कामकाज व सर्व शाखांवर नियंत्रण ठेवले जाते. संस्थेचे कार्यक्षेत्र रायगड, रत्नागिरी, सिंधुदुर्ग, मुंबई, पुणे, ठाणे या एकूण 6 जिल्ह्यांमध्ये वाढले आहे. दि 31.03.2023 रोजी संस्थेच्या ठेवी 302 कोटी 91 लाख पूर्ण झाल्या आहेत तर कर्ज 205 कोटी 16 लाख झाले आहे. संस्थेचा एकत्रित व्यवसाय 508 कोटी 07 लाख पार केला आहे. सर्व सभासद, ग्राहक, हितचिंतकांच्या सहकार्याने व संचालक मंडळ, कर्मचारी वर्ग यांच्या मेहनतीने आदर्श पतसंस्था अशीच उत्तरोत्तर प्रगति करत राहील.